Малітва да Маці Божай аб’яднала вернікаў у Тракелях (фота, будзе дапоўнена)
Тракельскі санктуарыум вырашыў у канцы жніўня сабраць прыхаджан і паломнікаў на малітву да Маці Божай Тракельскай пад дэвізам “Увесь твой, Марыя”. Вернікі маліліся на ружанцы, прысвячалі Дзеве Марыі песні. Не раз узгадвалі святога Яна-Паўла ІІ, стагоддзе з нараджэння якога адзначаецца ў цякучым годзе.
29 жніўся, у суботу, свае падзякі і просьбы да Марыі разам з бацькамі ўзносілі дзеці, моладзь. За школьнікаў настаяцель касцёла Юрый Бяганскі памаліўся на святой імшы і асвяціў іх школьныя рэчы. Прыемнымі падарункамі ад мясцовага касцёла да пачатку новага навучальнага года для дзяцей сталі канцэлярскія прынадлежнасці, а таксама анімацыйнае прадстаўленне.
Вечаровая святая імша прайшла ў духу еднасці і любові да бліжняга. Пасля яе ксёндз Юрый Бяганскі падрыхтаваў для вернікаў сюрпрызы. Паколькі святло ёсць Хрыстос, на саджалку пусцілі фанарыкі са свечкамі, ля палявога алтара быў дадзены вогненны салют, а ў неба ўзвіліся ззяючыя шарыкі. Усё гэта дзейства перадавала святло душ веруючых і іх імкненне жыць у Хрысце, у любові да бліжняга і быць у няспыннай апецы Марыі.
