18 жніўня праект “Будзь здаровы, гаспадар, будзь здарова гаспадыня” завітаў у Кунеі
Хлебам-соллю сустракалі гасцей з Алякшышкаў вяскоўцы. Правялі іх па прыгожа прыбранай вуліцы. На які падворак ні кінь вокам, бачна, што тут жывуць сапраўдныя гаспадары і гаспадыні. Колькі саматканых дываноў, крапатліва вышываных ручнікоў, рознакаляровых кветнікоў!..
Традыцыйнае вітанне – і кунееўцы разам памаліліся за памерлых сваякоў, за свой радавод…
На свяце шмат цёплых слоў было сказана тым, хто добрасумленна працаваў, не саромеўся мазаля, хто быў шчыры сэрцам і добрым суседам. Для кожнага жыхара вёсачкі знайшлося што добрага і ад душы сказаць. А ў падарунак - музычная праграма як з беларускімі народнымі песнямі, так і з эстраднымі нумарамі.
