Песни, хороводы, венки и хорошее настроение. В Вороновском районе отпраздновали "Купалье"
Яскравым сведчаннем жывой сувязі пакаленняў стала свята Купалле. Увечары 6 ліпеня яго адсвяткаваі ў Воранаве і Забалаці, а крыху раней — у аграгарадку Пагародна. Жыхары і госці населеных пунктаў ўспомнілі даўнія купальскія традыцыі і пагрузіліся ў магічную атмасферу свята, якое разгарнулася на ўлонні прыроды каля азёр.
Гульні, забавы, карагоды, конкурсы і прыемныя сюрпрызы, падрыхтаваныя работнікамі Забалацкага ЦКіД, парадавалі ўсіх прысутных. Асаблівы ажыятаж выклікалі пошукі папараць-кветкі, бо таго, хто знойдзе яе ў купальскую ноч, чакае шчасце і багацце. Знайшла гэту чароўную кветку ўдзельніца свята Аляксандра Пецюкевіч. Не абышлося ў гэты вечар без спускання дзяўчатамі вянкоў на ваду, так яны варажылі на суджанага. Знайшлося нямала тых, кто скакаў праз купальскае вогнішча. Лічыцца, што той, хто вышэй скокне, будзе больш паспяховым альбо ачысціцца ад злога, засцеражэ ад немачы, урокаў.
Прыемным працягам свята ў Забалаці стала канцэртная праграма ўдзельнікаў вакальнай групы «Чароўны мікрафон», народнага ансамбля народнай песні «Даўніна» і інструментальнага ансамбля «Крыніца» з Геранён.
Купалле падарыла незабыўныя ўражанні і яшчэ раз нагадала пра тое, што мы, беларусы, не забываем сваю гісторыю, зберагаем народныя традыцыі і абрады, перадаючы іх з пакалення ў пакаленне. Наша Беларусь — музычная, самабытная і культурная краіна.
г.п. Вороново
аг. Заболть
Юлія ЛЫШЧЫК, студэнтка ГрДУ імя Янкі Купалы.
Фота аўтара і Сяргея Грычыка.