Воранаўцы на Дне пісьменнасці ў Слоніме (дапаўняецца)
Сёняшняе сваё выступленне нашы знакамітыя “Лявоны” пачалі з песні “Адам і Марыля”.
У рамках гастрафэста Воранаўскі філіял Гродзенскага аблспажыўтаварыства прадставіў экспазіцыю па аповесці Ул. Караткевіча "Дзікае паляванне караля Стаха". У вобразе графа і графіні Марк і Алеся Радзевічы. Кухня у лепшых беларускіх традыцыях: калдуны з мясам і грыбамі, пірог з печані.
Воранаўскі каледж прэзентаваў прафесіі, якія можна засвоіць у іх установе. А таксама - творчасць земляка Валянціна Емяльянава.
Воранаўскі дом рамёстваў прадставіў шырокаму колу абразы, вышываныя бісерам і з саломы, лялькі і многае іншае. Майстар народнага промыслу Галіна Мялько паказала майстар-клас па вышыўцы, а кіраўнік гуртка па бісерапляценню і вышыўцы згуляла з многімі сланімчанамі і іх гасцямі ў бяспройгрышную латарэю.
Марына КАНДРАТОВІЧ.
Фота аўтара.
