Шэраг гучных брэндавых мерапрыемстаў на Воранаўшчыне традыцыйна завяршыўся ў Канвелішках. Ля мясцовага Цэнтра культуры звонкія прыпеўкі запрашалі на свята землякоў.
Зраніцы церушыў дождж. Але ён не перашкодзіў бабулям, бацькам і дзятве сабрацца на фэст, дзе былі прадстаўлены ўсе брэндавыя мерапрыемствы раёна.
Чарнічным пірагом з духмяным чаем частавалі больцішскія гаспадыні, смачнымі блінамі – пераганцаўскія, стравамі з рыбы – доцішскія рыбакі. На ўсё наваколле пахлі выпечаныя па беняконску рэцэпту булкі і хлеб. А забалацкія павары цаніліся і ў Канвелішках. Над гучны тракельскі гармонік цудоўна было прыгадаць радунскае свята нацыянальных культур. Гітара – гэта любімы інструмент моладзі. З веданнем справы заяўлялі жырмунскія работнікі культуры. Апошні кветкавы баль у гэтым годзе зладзілі паляцкішскія ды-джэі. Па-восеньску шчодрымі на садавіну і гародніну былі больцініцкія гаспадары. А з пагародненскімі было шмат жадаючых зрабіць здымак на памяць.
Тым часам дождж набіраў моц. Але аматарам прыпевак ён не стаў памехай. Званне на лепшага іх выканаўцу зноў пацвердзілі Крысціна Іосіфаўна Лук’ян з Утканаў і Галіна Бярнардаўна Гой з Навіянкі. Не паддаліся ім Вольга Францаўна Багушэвіч і Браніслаў Юльянавіч Чапля з Канвелішкаў. Песенны марафон падхапілі жырмунскі гурт “Рэчанька” і госці з іўеўскага краю. Каб надвор’е зусім не пагоршылася, то, пэўна, усе танцавалі б да позняга вечару.
Марына КАНДРАТОВІЧ.
Фота аўтара.
