Урачыстае адкрыццё свята на Воранаўшчыне і канцэртная праграма “Квітней, мой родны край”

Святкаванне Дня Незалежнасці працягнулася ў гарадскім парку. Сюды накіравалася святочная калона дэлегацый ад працоўных калектываў.

Удзельнікаў свята з галоўнай сцэны прывітаў старшыня Воранаўскага райвыканкама Дзмітрый Захарчук. Ён адрасаваў жыхарам і гасцям воранаўскага краю найлепшыя пажаданні міру, узаемапаразумення і дабрабыту. Падкрэсліў, што ў такі важны дзень вельмі правільна ўшаноўваць людзей і працоўныя калектывы, якія памнажаюць славу раёна, падаюць прыклад старання і майстэрства, адданых адносін да справы.

— Нашы сучаснікі годна працягваюць традыцыі бессмяротнага подзвігу пакалення вызваліцеляў. Галоўным прыярытэтам развіцця беларускі народ выбраў мірную працу, і сёння мы ўпэўнена глядзім у будучыню, пакараем новыя вышыні і гістарычныя рубяжы. Мы ведаем, што гарантыяй сувярэннасці нашай дзяржавы з'яўляецца ўстойлівая эканоміка і сваімі намаганнямі ўносім значны ўклад у развіццё Беларусі. У аснове нашых дасягненняў ляжыць прафесіяналізм, адказнасць спецыялістаў аграрнага комплексу, працаўнікоў прамысловых прадпрыемстваў, кіруючых кадраў, работнікаў адукацыі, медыцыны, культуры, — сказаў Дзмітрый Іванавіч.

Пад гучныя апладысменты за атрыманнем пасведчанняў аб занясенні на раённую Дошку гонару паднімаліся на сцэну нашы землякі.

Святлана Пачобут, дырэктар Радунскай СШ:

— Ад імя калектыву Радунскай школы выказваю словы ўдзячнасці кіраўніцтву Воранаўскага райвыканкама і аддзела адукацыі за такую высокую ацэнку нашай працы. Прыемна, што такога прызнання мы ўдастоены другі раз. На мой погляд, гэта стала магчымым таму, што ў нашай школе наладжана выразная схема дзейнасці па адпаведнасці галоўнаму крытэрыю — якасці. Яго рэалізацыя ў навучанні, выхаванні, аздараўленні дзяцей, стварэнні матэрыяльна-тэхнічнай базы, фарміраванні высакакласнага педагагічнага калектыву дазволіла нам паказаць вынікі, заявіць пра сябе не толькі на раённым і абласным узроўнях, але і рэспубліканскім, стаць канкурэнтаздольнымі сярод самых годных. У нашай установы слаўная гісторыя, поўная значных падзей і высокіх дасягненняў, паспяховае цяперашні, інавацыйны погляд і, я ўпэўнена, наперадзе перспектыўны будучыню. Свайму калектыву жадаю далейшага прафесійнага росту, рэалізацыі новых педагагічных ідэй.

Вольга ВАРАБ’ЁВА.

Фота Алега БЕЛЬСКАГА.