Сёння, напярэдадні Дня Незалежнасці Рэспублікі Беларусь, на Воранаўшчыне адзначаецца Дзень вышыванкі
Родныя ўзоры ўжо не першы год становяцца лейтматывам грандыёзнага свята. Вышыванкі з’яўляюцца сапраўднай візітоўкай беларусаў. Вышыты нацыянальны арнамент — гэта не проста ўпрыгажэнне, гэта своеасаблівы шыфр, праз стагоддзі перададзены нам продкамі. Кожны ўзор у арнаменце — гэта сімвал, які валодае магутнай энергетыкай і дае пэўны пасыл. Здаўна арнаменты лічыліся засцярогамі, у іх укладвалі станоўчы сэнс.
У нашы дні нацыянальны арнамент набірае ўсё большую папулярнасць, становіцца неад’емнай часткай у афармленні адзення, прадметаў побыту, інтэр’ера людзей усіх узростаў.
Галіна Шлемпа.
Фото аўтара.
