Гісторыя кнігі ад А да Я. Прайсці шляхам кнігі запрашае гродзенскі музей гісторыі рэлігіі
Пераносяцца ўдзельнікі ў манастыр, дзе ствараліся першыя кнігі, даведваюцца, як і на чым іх пісалі.
Вучні з гімназіі №5, разам з якімі мы падарожнічаем па музею, былі ўраджаны, калі даведаліся, што раней год ці нават больш часу трэба было, каб перапісаць адну кнігу, аздобіць яе. І зноў загадка: адшукаць сярод экспанатаў прадмет, які не павінен быў знаходзіцца ў скрыпторыі. Падказка – у самой гісторыі і расповядзе пра кнігасховішчы. Аказваецца, гэта свечка. Агонь – тое, што ў лічаныя хвіліны магло знішчыць веды, назапашаныя цягам дзесяцігоддзяў.
Пазнаёміўшыся з беларускім першадрукаром Францыскам Скарынай і даведаўшыся, чаму летась мы адзначаем 500-годдзе беларускага кнігадрукавання, удзельнікі самі ствараюць кнігу, падобную на тыя, што выдаваў Скарына: з тэкстам і гравюрамі.
Пасля – асаблівае заданне: прачытаць, што напісана ў кнізе, якую яны зрабілі. Складанасць у тым, што тэкст напісаны старабеларускім шрыфтом.
Знаёмяцца ўдзельнікі гульні і з букваром Спірыдона Собаля, па якім яны б вучыліся, каб жылі некалькі стагоддзяў таму. Даведваюцца, хто такія Кірыл і Мефодзій, Еўфрасіння Полацкая, Кірыла Тураўскі, які ўклад яны ўнеслі для развіцця кнігадрукавання.
Так, падарожнічаючы праз стагоддзі і разважаючы пра ролю пісьменства, дзеці адшукваюць сапраўдны скарб – кнігу.
ВАРТА ПАЧЫТАЦЬ:
История, хранящаяся в подземелье: что можно увидеть в единственном в области музее банка? (+Видео)
Кревский и Гольшанский замки XV-XVII веков можно посетить виртуально
Лес в центре города. Музей леса откроется в Гродно