ДАРАГІЯ БРАТЫ І СЁСТРЫ!
У гэтыя святочныя дні, калі праслаўляем Хрыстова Уваскрэсенне, выражаем сваю веру і радасць словамі: “Хрыстос Уваскрэс!”. Пасха азначае пераход ад няволі да свабоды, ад немагчымага да рэальнага, ад грэшнага да святога, ад смерці да жыцця. Уваскрэсеннем Iсуса з мёртвых былі здзейснены подзвіг выратавання чалавецтва, прымірэнне людзей са Стварыцелем. А гэта аснова веры, першая і самая галоўная ісціна, якая сімвалізуе адраджэнне і абнаўленне духоўнага свету чалавека. У гэты дзень мы святкуем сваё адкупленне і магчымасць дасягнення вечнага шчасця, што было здабыта коштам крыжовай смерці і змёртвыхпаўстання Збаўцы.
Жадаю вам у свята Пасхі Божага бласлаўлення, узмацнення веры, духоўных і фізічных сіл, радасці, супакою і пачуцця Божай прысутнасці ў вашых сэрцах!
Ксёндз Юрый Барташэвіч,
настаяцель касцёла Святога Крыжа ў
аг. Жырмуны.