15 кастрычніка споўнілася 80 гадоў з дня нараджэння Зіновія Прыгодзіча

Зіновій Кірылавіч Прыгодзіч – пісьменнік, журналіст, член Саюза пісьменнікаў Беларусі і Беларускага саюза журналістаў, заслужаны дзеяч культуры Рэспублікі Беларусь.

Зіновій Прыгодзіч нарадзіўся 15 кастрычніка 1944 года ў в.Лышчы Пінскага раёна Пінскай вобласці (цяпер Брэсцкая вобласць).

Пасля заканчэння Лышчанскай сярэдняй школы (1960) супрацоўнічаў з Лагішынскай раённай газетай “Калгасная праўда” (1960-1962), працаваў карэспандэнтам мясцовага радыёвяшчання. Пасля заканчэння факультэта журналістыкі Беларускага дзяржаўнага ўніверсітэта ім. У.І. Леніна (1967) быў накіраваны на працу ў газету “Звязда” літаратурным супрацоўнікам.

З 1977 года Зіновій Кірылавіч пачаў партыйную кар’еру: інструктар аддзела культуры ЦК КПБ, памочнік сакратара (1978-1981) у апараце ЦК Кампартыі Беларусі. Працу сумяшчаў з вучобай у аспірантуры Акадэміі грамадскіх навук пры ЦК КПСС (1981-1984). З 1984 года-загадчык кафедры журналістыкі, мовы і літаратуры Мінскай ВПШ. Са студзеня 1989 г. – рэдактар газеты “Савецкая Беларусь”, з 1992 г. – галоўны рэдактар часопіса “Гаспадар”. У 1996-1999 гадах быў першым намеснікам старшыні Дзяржаўнага камітэта па друку Беларусі, адначасова з 2000 года Зіновій Кірылавіч працаваў у Беларускім дзяржаўным універсітэце.

Зіновій Прыгодзіч пачаў друкавацца ў 1957 годзе. Першае апавяданне на рускай мове “Грошы” было апублікавана ў Пінскай раённай газеце “Палеская праўда” (1963).

Працы пісьменніка-публіцыста адрозніваюцца актуальнасцю пытання: ён прысвячае іх працаўнікам вёскі, разважае аб праблемах сучаснай моладзі, захапляецца маральнымі якасцямі і багатай духоўнай культурай старэйшага пакалення. Гэтыя і іншыя тэмы пераважна сучаснага жыцця беларусаў адлюстраваны ў наступных кнігах З.Прыгодзіча: “На палях Беларусі”(публіцыстыка, 1968), “Добры дзень, сад!”(1974), “ У вёсц” (1976), “Жменя зярнят”(1979) – нарысы і публіцыстыка, дакументальны апавяданне “Строгая дабрата”(1976) і “Крылы дужэюць у палецы” (1977). У 80-я гады пісьменнік звярнуўся да мастацтва: напісаў апавяданні “Журавы на далёкай пойме” (1984) і “Начлег” (1986). У наступныя гады выдадзены публіцыстычная трылогія “Постаці”, аўтабіяграфічныя творы “Над Вісліцай” і “Вечаровае”, кніга лірычнай прозы “Журба мая светлая”.

У 1986 годзе з.Прыгодзіч быў прыняты ў Саюз пісьменнікаў Беларусі.

У 2007 годзе Зіновій Прыгодзіч стаў пераможцам конкурсу “Залатое пяро”.        У 2012 годзе Зіновій Прыгодзіч узнагароджаны Ганаровым знакам “Залаты Купідон” і дыпломам Рэспубліканскага літаратурнага конкурсу “Лепшы твор 2011 года” ў намінацыі “Крытыка і літаратуразнаўства” за творчыя партрэты прадстаўнікоў беларускай літаратуры і культуры.

Зіновій Прыгодзіч-лаўрэат прэміі Федэрацыі прафсаюзаў Беларусі 2013 года ў галіне літаратуры, мастацтва, публіцыстыкі і мастацкай самадзейнасці – за кнігу “Крыніца ў лясных бяроз”.

Людміла ФУРМАН,

загадчык аддзела маркетынгу, сацыкультурнай дзейнасці і метадычнай работы ДУК “Воранаўская раённая бібліятэка”.