У касцёле Найсвяцейшага Сэрца Ісуса ў Канвелішках святкавалі Дажынкі
Ужо некалькі год запар канвелішскія прыхаджане са сваім святаром Дзмітрыем Сядлецкім ладзяць свята ўраджаю. Вернікі прыходзяць у святыню з садавінай, гароднінай, зернем, каб іх асвяціць і падзякаваць Богу за багаты плён іх працы.
Каравай з новага ўраджаю падаравалі ксяндзу.
Разам рушылі ўрачыстым ходам. Кожны трымаў у сэрцы малітву за блізкіх, росквіт роднай зямлі.
Ад душы гучалі словы шчырай падзякі руплівым хлебаробам, працалюбівым аднавяскоўцам, а таксама кіраўніцтву гаспадарак "Эліт-Агра Больцінікі" і "ГМК-Агра" за дапамогу ў добраўпарадкаванні святыні.
