У Гірках гуло свята бульбы "Гасцёўня Бульбаша"
Не ўяўляе беларус святочны стол без бульбы. Гэтай культуры прысвечаны вершы і песні, а Гіркаўскі цэнтр культуры ладзіць цэлае свята! На самую смачную страву лепшы тэматычны касцюм пазмагаліся работнікі культуры. Пастараліся і мясцовыя жыхары. Кулінарнае майстэрства прадэманстравалі працаўнікі Гіркаўскага дзіцячага садка, сельвыканкама і магазіна "Мечта" КСУП "Гіркі", а таксама гаспадынька Таццяна Фокіна, Наталля Міклашэўская і Галіна Гурская.
Вельмі смакавала каша, якой землякоў частавалі ваеннаслужачыя пагранічнай заставы "Забалаць" і кухары сталовай гаспадаркі.
Сапраўдны адпачынак для душы. Так адазваліся землякі пра выступленне тэатра цыганскай песні і танца "Жамчужына" са сталіцы. І гэта стала магчыма дзякуючы кіраўніцтву гаспадаркі.
