У Лідзе распачаўся адборачны абласны тур XII Рэспубліканскага фестывалю нацыянальных культур
Рэспубліканскі фестываль нацыянальных культур, сталіцай якога стала Гродна, рыхтуецца да чарговай сустрэчы сяброў. І хаця свята адбудзецца яшчэ толькі летам наступнага года, падрыхтоўка да яго поўнай хадою ідзе ўжо зараз. Па ўсёй краіне адбываюцца адборачныя абласныя туры. Свой выбар тых, хто найлепш варты прадставіць нацыянальныя культуру і традыцыі, Гродзеншчына робіць сёння ў Лідзе.
У адборачным туры ўдзельнічаюць прадстаўнікі пятнаццаці нацыянальнасцей, дваццаць чатыры мастацкія калектывы, індывідуальныя выканаўцы і майстры рамёстваў.
Падзею варта назваць не інакш, як святам. Атмасфера яго пануе ў холе Палаца культуры г. Ліды, дзе праходзіць выстава рамёстваў, нацыянальнага касцюма і кулінарных страваў. А ў вялікай зале распачынаецца ўрачыстая частка адборачнага тура. На сцэну з музычнымі, песеннымі і танцавальнымі нумарамі, тэатральнымі пастаноўкамі выйдуць мастацкія калектывы і індывідуальныя выканаўцы. Іх выступленні ацэніць кампетэнтнае журы, якое ўзначальвае мастацкі кіраўнік Нацыянальнага акадэмічнага хора імя Цітовіча Міхаіл Дрынеўскі.
ВАРТА ПАЧЫТАЦЬ:
Чем удивляли, угощали и радовали представители разных национальностей на подворьях? (2016)
Китайские драконы и глотатели огня прошли в театрализованном шествии фестиваля в Гродно (2016)
Китайские драконы и глотатели огня прошли в театрализованном шествии фестиваля в Гродно (2016)
