Увага! Вiктарына!
Паважаныя чытачы! Да Дня беларускага пісьменства “Воранаўская газета” аб’яўляе віктарыну сярод сваіх падпісчыкаў.
1. Хто з’яўляецца стваральнікам новай сістэмы пісьменнасці — кірыліцы?
2. Назавіце буйныя цэнтры старажытнай пісьменнасці на Беларусі.
3. Назавіце свецкае імя славутай беларускай асветніцы Ефрасінні Полацкай.
4. Дзе ў Беларусі былі ўсталяваны помнікі ў гонар святой Ефрасінні Полацкай?
5. Дзе і калі нарадзіўся Францыск Скарына?
6. Як называлася першая кніга, якую надрукаваў Францыск Скарына? Дзе і калі яна была выдадзена?
7. Хто выдаў у Нясвіжы першую беларускую кнігу «Катэхізіс»?
8. Як называлася першая газета на беларускай мове, якую выдаваў Кастусь Каліноўскі?
9. Каму належаць словы: «Шмат было народаў, што страцілі найперш мову сваю, так, як той чалавек перад скананнем, катораму мову зойме, а потым і зусім замёрлі. Не пакідайце ж мовы нашай беларускай, каб не ўмёрлі»?
10. Хто стварыў і выдаў у Пецярбургу «Беларускі лемантар, або Першую навуку чытання» — першы беларускі буквар?
11. Хто надрукаваў першы, напісаны на беларускай мове, нарыс гістарычнага жыцця беларусаў — «Кароткую гісторыю беларусаў»?
12. Хто з’яўляецца аўтарам «Беларускай граматыкі для школ», якая выйшла з друку ў 1918г.?
13. Калі была адкрыта Дзяржаўная бібліятэка Беларусі?
14. У якім годзе беларуская мова набыла статус дзяржаўнай?
Адказы на пытанні віктарыны дасылайце на працягу тыдня з дня выхаду газеты на адрас: 231391, г.п. Воранава, вул. Савецкая, 27.
Сярод адказаўшых найбольш поўна будуць абраны тры
пераможцы, якія атрымаюць падарунак ад “ВГ” —
квартальную падпіску на раёнку!
