Адкрыты раённы фестываль народных традыцый і мастацтваў “Песні Воранаўшчыны маёй” сёння прайшоў у гарадскім пасёлку Радунь (Фота)
На беларускай, рускай, польскай, літоўскай, яўрэскай, украінскай, цыганскай, армянскай мовах гучалі шчырыя прывітанні і пажаданні сабраўшымся на свята.
Вітаў сардэчна гасцей фестывалю і старшыня раённага выканаўчага камітэта Мікалай Розум.
Міра і згоды, здароўя, працоўных і творчых поспехаў пажадаў ён прадстаўнікам шматлікіх нацыянальнасцей, якія пражываюць на Воранаўшчыне.
А працавітасці і творчасці варанаўчанам не пазычаць! Гэта яскрава падкрэсліў конкурс на лепшы дажыначны сноп “Залатыя каласы”, а таксама конкурс на на лепшае нацыянальные падвор’е. І ў першым і другім конкурсах цяжка было вызначыць лепшых, але конкурс ёсць конкурс. Самы прыгажэйшы і багацейшы сноп падрахтавалі супрацоўнікі Місявічскага сельвыканкама. А самым пявучым і вясёлым падвор’ем прызнана ўкраінскае, на якое ласкава запрасілі работнікі Нацкай і Доцішскай ўстаноў культуры.
З задавальненнем паслухалі гледачы і песні ў выкананні народнях ансамбляў “Лявоны”, “Зараніца” і аматараў з усіх куточкаў Воранаўшчыны, дружна апладыравалі артыстам з Лідскага і Іўеўскага раёнаў. Воклічам “брава” былі сустрэты знакамтыя радунскія “Салавейкі” і шоў-балет “Феерыя” з Мінска.
На працягу ўсяго святочнага дня працавалі гандлёвыя рады, горад міайстроў, дзіцячыя атракцыёны…
— Цэлы год чакалі і рыхтаваліся да гэтага свята. І прайшло яно вельмі цікава, весела, усё была ад сэрца, — ацанілі фэст гледачы.
Вікенцій ЯКОВІЧ.
Фота Алега БЕЛЬСКАГА.
