Хрыстос уваскрэс! Сапраўды ўваскрэс!
Паважаныя парафіяне і жыхары Воранаўскага раёна, хрысціяне
і ўсе людзі добрай волі, віншую вас са святам Уваскрэсення Ісуса Хрыста!
Жадаю, каб Божая ласка памнажала веру ў нашых сэрцах, каб мы, як апосталы Ян і Пётр, адважыліся прайсці ад пустой магілы, якую бачаць нашыя вочы, да моцнай веры ў сэрцах, народжанай асабістай сустрэчай з Уваскрэслым Хрыстом.
Жадаю ўсім, каб мы з глыбокім даверам адкрывалі сэрцы для Уваскрэслага Хрыста, які мае моц вызваляць нас ад грахоў, страхаў і трывог перад будучыняй. Толькі Ён з’яўляецца крыніцай моцнай надзеі.
Жадаю, каб мы, узмоцненыя Яго ласкай, здолелі распаліць полымя веры ў сэрцах нашых няверуючых братоў і сясцёр, каб мы змаглі давесці іх да сустрэчы з Хрыстом!
Давайце будзем абвяшчаць свету радасць Евангелля: Хрыстос уваскрэс! Сапраўды уваскрэс! Алелюя!
З дарам малітвы за вас,
кс. Аляксандр Сушынскі SAC,
настаяцель касцёла Найсвяцейшай Тройцы
ў в. Германішкі.
